Studimi pionier në llojin e tij prej Universitetit të Adelaides mund të ofrojë një hap gjigant përpara drejt trajtimit të pacientëve me fibrozë cistike (CF). Studimi tregon se qelizat të cilat shkaktojnë çrregullimin gjenetik mundet të zëvendësohen me qeliza të shëndosha.
Dr Nigel Farrow, një studiues nga Universiteti i Adelaides, përshkruan procesin përmes të cilit ka kaluar ekipi i tij, me qëllimin për të zëvendësuar qelizat e dëmtuara:
Studimi ynë i cili aplikon transplantin e qelizave staminale, përfshin 'vjeljen' e qelizave staminale adulte prej mushkërive të pacientëve me fibrozë cistike, korrektimin e tyre përmes terapisë së gjeneve, dhe më pas rivendosjen e tyre përsëri tek pacientët.
Qelizat staminale adulte të transplantuara, më tej, ja kalojnë gjenet e tyre të shëndetshme "qelizave bija" të tyre duke ofruar kështu një mjet të qëndrueshëm për të rimbushur rrugët e kalimit të ajrit me qeliza të shëndetshme, e kështu pra duke luftuar rivendosjen e sëmundjes së fibrozës cistike në rrugët e kalimit të ajrit.
Sipas revistës Stem Cell Research and Therapy, qelizat staminale adulte të përdorura në këtë transplant përdoren normalisht në trajtimin e çrregullimeve të imunodefiçiencës.
Në mbarë botën sot ka rreth 70,000 njerëz të cilët jetojnë me sëmundjen e Fibrozës Cistike. Ky çrregullim – për të cilin aktualisht nuk ka ndonjë kurë – prek rrugët e kalimit të ajrit dhe mushkëritë, duke shkaktuar shëndet jo të mirë dhe një jetë të shkurtër. Në Australi, atje ku u krye dhe studimi, një në 25 persona është bartës i gjenit përgjegjës për Fibrozën Cistike(CF).
Megjithëse mjaft bartëts të këtij gjeni përgjegjës per CF nuk janë të prekur nga ky çrregullim, ata mund t'ja kalojnë gjenin e tyre difektoz fëmijëve të tyre. Nëse të dy prindërit janë bartës të këtij gjeni, fëmijët e këtyre prindërve kanë një probabilitet 1 në 4 raste për të lindur me fibrozë cistike.
Nëse teknika e transplantimit e përdorur këtu në Universitetin e Adelaides do të perfeksionohet, atëherë ajo do të mund të përmirësojë në mënyrë domethënëse jetët e atyre që vuajnë prej Fibrozës Cistike dhe do të përshpejtojë kërkimet për gjetjen e një kure të qëndrushme.
