Ju jeni këtu: Kreu » Përditësime Klinike

Kategori: Përditësime Klinike

Transplanti i Qelizave Staminale Rikthen Shikimin në 4 Pacientë me Dëmtim të Retinës

Published on: 16th Maj 2023

Terapia me qeliza staminale ka treguar rezultate premtuese në trajtimin e humbjes së shikimit të shkaktuar nga sëmundje të ndryshme. Derimë tani, hulumtuesit kanë patur sukses në rastet me degjenerimin makular që lidhet me moshat e mëdha, sëmundjet e trashëguara të retinës (IRD), glaukomën, dhe sëmundjet e korneas.

Në mënyrë të veçantë, megjithatë, terapia me qeliza staminale ka trajtuar me sukses verbimin e lidhur me kornenë, një problem ky i shkaktuar nga dëmtimet ndaj kornesë e që mund të çojë në verbim. Dhe tani, Departamenti i Oftalmologjisë i Kolegjit Mjeksor të GSVM pretendon se ka përdorur këto qeliza të mrekullisë për të rikthyer shikimin në katër pacientë të cilët e kishin humbur tërësisht shikimin e tyre.

Kjo arritje e jashtzakonshme mjeksore për pacientët me pamundësi vizive është e para në llojin e saj në Indi. Studimi ishte me një sukses të atillë sa mjekët kanë aplikuar për një grant për të krijuar struktura shtesë të trajtimit dhe për të kryer kërkime të mëtejshme në këtë fushë.

Rivendosja e Shikimit të 4 Pacientëve me Retina të Dëmtuara

Projekti kërkimor katërmujor nisi në vitin 2022 në Kolegjin Mjeksor të Ganesh Shankar Vidyarthi Memorial (GSVM) në Kanpur, Indi.

Katër pacientët të cilët morën pjesë në studim, secili e kishin humbur shikimin për pasojë e retinave të dëmtuara dhe sëmundjeve të lindura. Njëri prej pacientëve kishte një shikim të kufizuar të lindur dhe një tjetër kishte një sëmundje të pashërueshme të retinës çka do të thoshte se ata nuk mund të shihnin siç duhet për shumë vite.

Procedura përfshiu përdorimin e qelizave staminale "të vjela" prej placentave dhe transplantimin e tyre në retinat e dëmtuara të pacientëve. Këto lloje të veçanta qelizash syaminale janë 'pluripotente', që do të thotë se ato kanë potencialin për t'u shndërruar në cilindo lloj tjetër qelizash në trupin e njeriut.

Qelizat prej placentës, u konvertuan më tej në qeliza limbiale korneale për të ndihmuar indet e dëmtuara që të shërohen dhe rigjenerohen. I tërë ky proces mori midis një dhe katër muaj kohë dhe ju riktheu shikimin në të katër pacientët, me vetëm një komplikacion të vogël i cili u riparua me sukses.

Udhëheqësi i Departamentit të Oftalmologjisë në Kolegjin Mjeksor të GSVM, Prof.Parvez Khan, kreu ekstraktimin e qelizave staminale prej mbetjeve të placentave dhe më tej transplantimin e tyre në retinat e dëmtuara që prej Korrikut 2022.

Raporti i detajuar i kërkimit ju dërgua Këshillit Indian për Kërkimin Mjeksor (ICMR), me shpresën për të drejtuar një kërkim tjetër të përmasave të mëdha dhe për t'i shërbyer më tepër pacientëve, prej nga 15-20 distrikteve aty pranë, të cilët vijnë, rregullisht, tek qendra për trajtimin e shikimit.

E Ardhmja e Terapisë me Qeliza Staminale për Trajtimin e Verbimit

Një sërë qëndrash mjeksore në mbarë botën e kanë përdorur me sukses terapinë me qeliza staminale për të trajtuar shikimin e kufizuar. Megjithatë, kryerja e një transplanti të qelizave staminale për të rivendosur shikimin është një procedurë e kushtueshme dhe ende kërkon një trupë kërkimore më të madhe përpara se të jetë tërësisht e sigurtë dhe e bëshme si një trajtim standard.

Thënë këtë, Prof. Parvez Khan, ka shpresa dhe pritshmëri se një procedurë e tillë do të jetë e disponueshme në një të ardhme të afërt për më pak se njëmijë dollarë për çdo pacient.

Ndërsa përdorimi i terapisë me qeliza staminale për verbimin është ende një fushë në zhvillim e sipër, suksesi i Kolegjit Mjeksor Kanpure çel rrugën për kërkime dhe zhvillime të ardhshme në këtë fushë. Terapia me qeliza staminale qartësisht mbart potencialet më të mëdha për kurimin e verbimit dhe për të ndihmuar që miliona njerëz të gëzojnë dhuratën e çmuar të shikimit për një kohë më të gjatë.

Terapia me Qeliza Staminale në Trajtimin e Dështimit të Funksionit të Zemrës

Published on: 11th Maj 2023

Dështimi i funksionit të zemrës është një problem serioz i cili ndodh kur zemra nuk është në gjëndje të pompojë mjaftueshëm sasi gjaku për të përmbushur nevojat e trupit.

Dështimi i funksionit të zemrës prek miliona njerëz në mbarë botën. Është vlerësuar se vetëm në Shtetet e Bashkuara, mbi 6 milionë njerëz, vuajnë nga dështimi i funksionit të zemrës.

Jo vetëm që dështimi i funksionit të zemrës është shpesh fatal, por jetesa me këtë sëmundje të zemrës e ndikon në mënyrë domethënëse cilësinë e jetës. Kjo sëmundje prek njerëz në të gjitha moshat dhe mund të ndodhë gradualisht me kalimin e kohës ose edhe papritur. Ajo shkaktohet nga një sërë faktorësh, përfshirë, presionin e lartë të gjakut, nivelin e lartë të kolesterolit dhe diabetin.

Ndërsa trajtimet tradicionale për dështimin e funksionit të zëmrës fokusohen në manaxhimin e simptomave, kërkimet më të fundit nga Universiteti i Mjeksisë i Çikagos ofrojnë shpresë për një kurë potenciale. Në studimin e publikuar në Mars 2023, hulumtuesit ja arritën të zvogëlojnë ndjeshëm rrezikun për një atak kardiak dhe për hemorragji/ishemi cerebrale në pacientët me dështim serioz të funksionit të zemrës.

Studimi në fjalë është prova klinike më e madhe deri më sot me terapinë me qeliza staminale në pacientët me dështim të funksionit të zemrës. Rezultatet prej tij sugjerojnë për një trajtim i cili mund të përmirësojë ndjeshëm funksionin e zemrës dhe cilësinë e jetës për ata të cilët vuajnë nga sëmundja e dështimit të zemrës.

Deri në 75% Zvogëlim të Riskut për Atak Kardiak ose për Hemorragji/Ishemi Cerebrale

Opsionet e trajtimit aktualisht përfshijnë mjekimin medikamentoz për të kontrolluar presionin e gjakut, diuretikët për të zvogëluar grumbullimin e lëngjeve në trup, dhe ndryshime të stilit të jetesës të tillë si ndërprerjen e duhanpirjes dhe ushtrimet fizike rregullisht. Ndërkohë që këta trajtime mund të ndihmojnë në manaxhimin e simptomave, ata nuk ofrojnë një kurë.

Studimi i Universitetit të Çikagos u krye midis 2014 dhe 2019 dhe përfshiu gjithsej 565 pacientë diagnostikuar me dështim të funksionit të zemrës, të moshës 18 deri 80 vjeç, me muskul të zemrës të dobësuar. Pacientët u caktuan në mënyrë rastësore që ose të merrnin terapinë me qeliza staminale ose një procedurë placebo, në 51 qëndra studimi të shtrira në Amerikën e Veriut.

Gjatë terapisë me qeliza staminale, pacientëve ju administruan përafërsisht 150 milion qeliza staminale mezenchimale (MSC) përmes një kateteri drejt zemrës së tyre. Këto qeliza e patën burimin nga palca e kockës e tre dhuruesve të rinj të shëndetshëm. Më tej, pacientët u monitoruan për tre vjet për ngjarje të lidhura me zemrën e tyre ose për aritmi të nivelit kërcënues për jetën.

Nga studimi raportohet se, brënda një viti, një përmirësim i vogël por sidoqoftë domethënës statistikisht, u vu re, në fuqinë pompuese të barkushes së majtë të zemrës së tyre. Përgjithësisht, pacientët, përjetuan një reduktim të riskut për atak kardiak ose hemorragji/ishemi cerebrale prej 58%, ndërsa ata me nivele të larta të inflamacionit përfituan nga një reduktim deri në 75%.

Autori udhëheqës i studimit, Doktor Emerson Perin, shpjegoi se kur ju i vendosni këto qeliza staminale tek një zemër me inflamacion, ato aktivizojnë qeliza të cilat sekretojnë anti-inflamatorë të ndryshëm siç janë interleukinat. Efektet e kësaj zgjatën në një mesatare prej 30 muajsh, çka quhet se është një përfitim afatgjatë kur krahasohet me trajtimet e tjerë terapeutikë.

Hapa Pozitivë për Terapinë me Qeliza Staminale të Zemrës

Studimi në fjalë është një hap gjigant përpara në trajtimin e dështimit të funksionit të zemrës. Ai sugjeron se terapia me qeliza staminale, kur përdoret e lidhur edhe me medikamentet për dështimin e funksionit të zemrës, mund të jetë një mënyrë e sigurtë dhe me përfitime për të zvogëluar problemet kryesore në këtë sëmundje fatale.

Hulumtuesit gjetën se nuk kishte diferenca të mëdha në efektet e padëshiruara të raportuara mes pacientëve që morën terapi me qeliza staminale dhe atyre të grupit të kontrollit, si edhe nuk pati shqetësime serioze për sigurinë në lidhje me procedurat.

Duke vështruar përpara për nga e ardhmja, Doktor Perin deklaron: “Ne kemi tashmë një armë të re kundër dështimit të funksionit të zemrës dhe ky studim me të vërtetë i hap dyert dhe çan rrugën që ne të jemi në gjëndje të arrijmë atje”.

Ky studim “gjenerues-hipotezash” tregon se terapia me qeliza staminale është një pjesë e madhe e kësaj arme të re kundër dështimit të funksionit të zemrës, por se nevojiten më tepër prova klinike për të konfirmuar efektet e këtyre qelizave staminale në ngjarjet e atakeve kardiake, hemoragjive/ishemive cerebrale, dhe ngjarjeve të tjera.

Mrekulli e Mjekësisë: Infeksioni HIV “U Kurua” tek Pacienti Sajë Transplantit të Qelizave Staminale

Published on: 28th Prill 2023

Shkencëtarët dhe profesionistët e mjeksisë kanë kërkuar prej kohësh një kurë për infeksionin HIV, një virus ky potencialisht vdekjeprurës i cili ka prekur tashmë një shifër të vlerësuar prej 38 milion njerëz në mbarë botën.

Ndërsa terapia me antiretroviralë (ART) ka bërë hapa të mëdhenj përpara në manaxhimin e infeksionit HIV, e ardhmja për një kurë mbetet ende një iluzion. Megjithatë, zhvillimet e fundit në terapinë me qeliza staminale sugjerojnë se një kurë për infeksionin HIV mund të jetë e mundshme në të ardhmen e afërt.

Sipas studimi të ri botuar në revistën Nature, një burrë 53 vjeçar, u bë, të paktën, personi i tretë me HIV i cili deklarohet i pastruar nga ky virus. Duke ndjekur me vëmendje këtë sukses, shkencëtarët po e marrin seriozisht mundësinë e përdorimit të transplanteve të qelizave staminale dhe inxhinierimin gjenetik për të kuruar infeksionin HIV.

Historia e burrit gjerman i njohur si pacienti i Dyseldorfit ka fuqizuar kërkimet për një kurë të HIV dhe ka hedhur dritë mbi rrugë të reja për kërkimet rreth HIV. Këtu ne hedhim një vështrim të thelluar në historinë e këtij pacienti dhe për të kuptuar nëse ajo mund të thotë se ne kemi gjetur një kurë për infeksionin HIV.

Një Rast Studimor i Jashtzakonshëm: Transplanti i Qelizave Staminale Kuron Infeksionin HIV

Në 2013, burri 53 vjeçar nga Dyseldorfi, Gjermani, ju nënshtrua një transplanti qelizash staminale për trajtimin e limfomës Hodgkin.

Transplanti ishte i suksesshëm dhe limfoma e këtij pacienti kaloi në remision. Megjithatë, ajo çka e bëri këtë rast të jashtzakonshëm ishte fakti se qelizat staminale të përdorura për transplantin ishin me burim nga një dhurues me një mutacion gjenetik të rrallë i cili i bënte ato imune ndaj infeksionit HIV.

Testet fillestare pas transplantit të qelizave staminale treguan se pacienti kishte ende gjurmë të virusit, por infeksioni nuk po replikohej. Ndësa virusi HIV qëndronte në trup gjatë terapisë me antiretroviralë, ekipi mjeksor vendosi të shihte se çfarë do të ndodhte nëse ai e ndalonte fare terapinë ART.

Në mënyrë të jashtzakonshme, pacienti ishte në gjëndje ta ndalonte krejtësisht terapinë me antiretroviralë dhe ishte në thelb pa prezencën e virusit HIV për mbi dy vjet - pa ndonjë rikthim në nivelet e virusit prej niveleve shumë të ulëta të tij.

Ky rast studimor qëndron midis mjfat të tjerëve që na sugjerojnë se një kurë për infeksionin HIV mund të jetë e mundshme përmes përdorimit të transplanteve të qelizave staminale dhe inxhinierimit gjenetik. Timothy Ray Brown ishte pacienti i parë i cili u konsiderua i kuruar nga HIV në 2008. Sikurse dhe Pacientit i Dyseldorfit, edhe Brown ju nënshtrua transplanteve të qelizave staminale për kancerin, nga një dhurues i cili ishte imun ndaj infeksionit HIV. Mjekët deklaruan se Brown ishte kuruar tashmë, jo shumë kohë pas transplantit të qelizave staminale tek ai.

Një pacient tjetër, 40-vjeçari Adam Castillejo, kishte marrë një transplant të palcës në 2016 për trajtimin e limfomës Hodgkin. Edhe dhurimi i palcës për të erdhi gjithashtu prej dikujt që e kishte mutacionin dhe ai u deklarua i kuruar prej infeksionit HIV në 2019.

Depërtime Potenciale për Kërkimet Shkencore për Kurën e HIV

Rastet e pacientit të Dyseldorfit dhe pacientëve të tjerë janë duke pikturuar një tabllo të shkëlqyer për të ardhmen e kërkimeve rreth kurës për HIV.

Shkencëtarët po eksplorojnë përdorimin e teknikave të modifikimit të gjenomit, siç është ajo CRISPR-Cas9, për të krijuar mutacion gjenetik të ngjashëm në qelizat staminale të vetë pacientit. Qelizat e modifikuara do të transplantohen pas tek vetë pacienti si një transplant autolog.

Kjo qasje është tërheqëse pasi është mjaft praktike dhe më pak e rrezikshme se sa përdorimi i qelizave prej dhuruesve. Aktualisht, terapia me qeliza staminale, me shumë gjasa, nuk do të përdoret tek pacientët me HIV të cilët nuk kanë gjithashtu edhe leuçemi, për pasojë të komplikacioneve nga përdorimi i qelizave nga dhurues. Terapitë me qeliza staminale autologe me qeliza të modifikuara mund të shtrojnë rrugën për një kurë të shkallëzuar dhe kostoefektive për kurimin e HIV.

Ndërsa ka ende një rrugë të gjatë për të bërë në terma të zhvillimit të një kure të shkallëzuar dhe kostoefektive për HIV, ky rast studimor i është shtuar bazës në zhvillim të fakteve që tregojnë se transplantet e qelizave staminale janë rruga e duhur përpara për eleminimin një herë e përgjithnjë të virusit.