Sindroma Triple X është një problem gjenetik i pranishëm vetëm tek femrat, dhe është i karakterizuar prej një kromozomi X tepër, në secilën qelizë. Besohet se rreth 1 në çdo 1000 femra të lindura në Mbretërinë e Bashkuar do të jenë të prekuara prej saj.

Cilat janë karakteristikat e sindromës Triple X?

Njerëzit e prekur nga sindroma Triple X, përgjithësisht, nuk tregojnë shenja të diferencave fizike dhe karakteristikat e këtij problemi, shpesh, janë të lehta. Për pasojë, shpesh, ky problem kalohet pa u diagnostikuar.

Megjithatë, disa karakteristika që mund të jenë të pranishme, përfshijnë:

• Të qënit më të gjatë se mesatarja
• Të pasurit e një koke të vogël
• Pala lëkure vertikale që mbulojnë këndin e syrit
• Paaftësi në të folurit dhe në të mësuarit e gjuhës

Cilat janë opsionet e trajtimit për sindromën Triple X?

Përderisa ky problem shëndetësor diagnostikohet rrallë dhe simptomat e shfaqura në një individ janë, shpesh, të lehta, nuk ka ndonjë terapi standarde për trajtimin e sindromës Triple X.