Еден чекор поблиску до третманот на цистична фиброза со матични клетки

Пионерските истражувања од University of Adelaide можат да понудат голем чекор напред во третманот на пациенти со цистична фиброза (CF). Истражувањето покажува дека клетките што го предизвикуваат генетското пореметување може да се заменат со здрави клетки.

Др Nigel Farrow, научен соработник од University of Adelaide, го опиша процесот низ кој помина неговиот тим при замената на оштетените клетки:

"Нашето истражување кое се однесува на трансплантација на матични клетки, вклучува земање на матични клетки од белите дробови кај пациенти со CF, нивно корегирање со генска терапија, и потоа повторно враќање на овие клетки во пациентот.

Новите трансплантирани матични клетки ги пренесуваат своите здрави гени на нивните "ќерки клетки" обезбедувајќи постојано средство за надополнување на дишните патишта со здрави клетки, борејќи се против појавата на цистична фиброза."

Според списанието Stem Cell Research and Therapy, матичните клетки искористени во оваа трансплантација нормално се користат во третман на нарушувања на имунитетот.

Во светот, постојат 70,000 луѓе кои живеат со цистична фиброза. Нарушувањето - кое во моментот нема лек - влијае на дишните патишта и белите дробови, што предизвикува нарушено здравје и краток животен век. Во Австралија, каде што беше спроведено истражувањето, еден во 25 луѓе го носи генот на CF. Иако многу од овие носачи на гените не се зафатени од нарушувањето, тие можат да го пренесат генот на нивните деца. Ако двајцата родители го носат генот, секое од нивните деца има шанса 1 од 4 да биде родено со цистична фиброза.

Ако техниката на трансплантација што се користи тука во University of Adelaide е усовршена, може значајно да го подобри животот на заболените од цистична фиброза и да го забрзаат истражувањето кон пронаоѓање на постојан лек.

Референца:
https://www.ncbi.nlm.nih.gov